ភ្នំពេញ៖ ឯកអគ្គរដ្ឋទូតទួរគីថ្មីប្រចាំកម្ពុជាលោកស្រី Ulku Kocaefe បានលើកឡើងថាដើម្បីបំពេញនូវកិច្ចព្រមព្រៀងដែលប្រទេសកម្ពុជានិងតួគីបានចុះហត្ថលេខាជាមួយគ្នាកាលពីកន្លងមក ស្ថានទូតទួរគីនិងបង្កើតនូវការិយាល័យពាណិជ្ជកម្មមួយ។ដើម្បីជម្រុញនូវកិច្ចការទាំងនេះ។

ក្នុងជំនួបជាមួយនាយករដ្ឋមន្ត្រីកម្ពុជានៅមានសន្តិភាពព្រឹកថ្ងៃព្រហស្បតិ៍ ទី២៥ ខែសីហានេះលោកស្រី Ulku Kocaefe បានលើកឡើងថាលោកស្រីនឹងប្ដេជ្ញាពង្រឹងនិងពង្រីកទំនាក់ទំនងរវាងកម្ពុជានិងតួនាទីឱ្យកាន់តែរីកចម្រើនបន្ថែមទៀតជាមួយនឹងការបង្កើននូវកិច្ចព្រមព្រៀងពាណិជ្ជកម្មដែលបានព្រមព្រៀងស្រាប់រួចមកហើយ។

ជំនួយការសម្ដេចតេជោគឺលោក អ៊ាង សុផល្លែតបានប្រាប់ក្រុមអ្នកសារព័ត៌មានថា៖ «ការិយាល័យពាណិជ្ជកម្មនិងបើកឡើងដើម្បីជំរុញកិច្ចសហប្រតិបត្តិការលើស្រុកវិស័យទាំងទ្វេភាគីទាំងក្នុងក្របខ័ណ្ឌតំបន់និងក្របខណ្ឌពិភពលោក»។

លោកស្រីបានបញ្ជាក់ថាកម្ពុជាទួរគីមានសក្កដានុពលច្រើនដែលអាចធ្វើការជាមួយគ្នាបាន។

នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានយល់ស្របជាមួយនឹងលោកស្រីឯកអគ្គរដ្ឋទូត និងបានស្វាគមន៍ការបង្កើតការិយាល័យពាណិជ្ជកម្មនៅស្ថានទូតទួរគីផងដែរ។

ជំនួយការសម្ដេចតេជោគឺលោក អ៊ាង សុផល្លែតបានដកស្រង់ប្រាសាន៍សម្ដេចតេជោប្រាប់ក្រុមអ្នកសារព័ត៌មានថា៖ «សង្ឃឹមថាការិយាល័យពាណិជ្ជកម្មនឹងសិក្សាស្វែងយល់កិច្ចសហប្រតិបត្តិការលើវិស័យសេដ្ឋកិច្ចពាណិជ្ជកម្មនិងវិនិយោគដែលជាមូលដ្ឋានគ្រឹះនៃកិច្ចសហប្រតិបត្តិការលើវិស័យដទៃទៀត»។

គួរបញ្ជាក់ដែរថា ទំនាក់ទំនងការទូតរវាងកម្ពុជា-ទួរគី នៅកម្រិតគណៈប្រតិភូត្រូវបានបង្កើតឡើងនៅឆ្នាំ១៩៤៧ ហើយមកដល់ឆ្នាំ២០១៣ ទើបប្រទេសទួរគីបានបង្កើតស្ថានទូតរបស់ខ្លួនក្នុងរាជធានីភ្នំពេញប្រទេសកម្ពុជាជាផ្លូវការ។ ក្រោយពីសង្រ្គាមរាំរ៉ៃ កម្ពុជាក៏បានភ្ជាប់ទំនាក់ទំនងឡើងវិញជាមួយតួគីក្នុងឆ្នាំ១៩៩៤ ហើយមកដល់ឆ្នាំ ២០២២ ដែលមានរយៈពេល ២៨ឆ្នាំ កម្ពុជាបានសម្ភោធអគារស្ថានទូតផ្លូវការនៅក្រុងអង់ការ៉ា៕

^{PHOTO: KOK KY}